ýItaliýanyň Kubogy ýaryşynda ýarym finalda Milan derbisi oýnalar. Çärýek finalda Milan şäheriniň klublary Interdir Milan San Siroda oýnalan duşuşyklarda paýtagt Rimiň klublary Romadyr Lasiony ýeňlişe sezewar etdi. Inter topary Romany Edin Jekonyň (1) hem-de Aleksis Sançesiň (68) gollary bilen 2-0 hasabynda ýeňdi.
Milan bolsa Lasionyň derwezesinden jogapsyz 4 gol geçirdi. Birinji ýarymda 3 gol geçiren Milanyň gollaryny Rafael Leao (24), Oliwie Žiru (41, 45+1) hem-de Kessi (79) derwezä girizdi. Iki oýundan ybarat ýarym finaldaky Milan derbisi 2-nji martda we 20-nji aprelde oýnalar. Galan 2 ýarym finalçy-da şu günki duşuşyklardan soň belli bolar. Şu gün Atalanta-Fiorentina bilen, Ýuwentus hem Sassuolo bilen duşuşar.
