Türkmenistanyň Milli Geňeşiniň Halk Maslahatynyň 11-nji mejlisinde hormatly Prezidentimiz 2021-nji ýylyň jemleri boýunça welaýatlarda durmuş, ykdysady we medeni taýdan ähli görkezijiler babatda iň ýokary netijeleri gazanan etraplary we etrap hukukly şäherleri kesgitlemek maksady bilen geçirilýän bäsleşikde ýeňiji bolan Lebap welaýatynyň Dänew etrabynyň häkimligini 1 million amerikan dollary möçberde pul baýragy bilen sylaglamak baradaky buýruga gol çekdi.
Ýurdumyzyň Kärdeşler arkalaşyklarynyň ýolbaşçylygynda ýörite topar bu bäsleşigiň jemlerini jemläp, ýeňijini kesgitledi.
