Germaniýanyň çempionaty Bundesligada 23-nji tapgyrda Bawariýa öz meýdançasynda Groýter Fürti 4-1 hasabynda ýeňdi. Myhmanlaryň ilkinji bolup hasaby açan duşuşygynda Robert Lewandowski 2 gezek tapawutlandy. Onuň şu möwsümde çempionatdaky gollarynyň sany 28-e ýetdi. Ol geçen möwsümde-de 23-nji tapgyrdan soň 28 gol geçirip, şeýle statistika görkezen ilkinji futbolçy boldy.
Germaniýanyň çempionatynda iki atdaş toparyň – Borussiýa D bilen Borussiýa M toparlarynyň arasyndaky oýunda dortmundlylar taryhy hasap bilen ýeňiş gazandylar. 6-0 hasabynda ýeňiş gazan dortmundylaryň düzüminde Marko Roýs 2 gol geçirip, 3 goluň pasyny berdi. 7 goluň geçirilen duşuşygynda Leipsig myhmançylykda paýtagt Berliniň Hertasyny 6-1 hasabynda ýeňdi. Duşuşykda Nkunku 2 gol geçirdi.
