Ispaniýanyň Şa Kubogynda 2-nji finalçy Betis bolup, sewilýalylar ýarym finalda Raýo Wallekanodan 2 oýnuň netijesi boýunça üstün çykmagy başardy. Myhmançylykda 2-1 hasabynda ýeňiş gazan Betis öz meýdançasynda 1-1 deňme-deň oýnady. 80-nji minutda Bebe bilen öňe saýlanan myhmanlaryň derwezesinden hasaby deňlän goly 90+2-nji minutda Iglesias öz adyna ýazdyrdy. Şeýlelikde, umumy hasapda 3-2 öňe saýlanan Betis 2005-nji ýyldan 4-nji gezek finala çykmagy başardy. Betis topary mundan öňki 4 finalyň 2-sinde (1977, 2005) kubogy eýeläp, 2-sinde (1931, 1997) utulypdy.
Betis bilen Walensiýanyň arasyndaky 120-nji Ispaniýanyň Şa Kubogynyň finaly 23-nji aprelde Sewilýa şäherindäki La Kartuhe stadionynda oýnalar.
