Italiýanyň çempionaty Serie A-da häzirki çempion Inter soňky oýunlardaky şowsuzlygynyň ahmyryny iň aşaky orunda barýan Salernitanadan çykardy. Öz meýdançasynda pes garşydaşyny kabul eden Inter 5-0 hasabynda ýeňiş gazandy. Umumylykda soňky 4 oýunda gol hem geçirip bilmedik Interiň gollarynyň 3-sini Lautara Martines (22, 40, 56), beýleki 2-sini Edin Jeko (64, 69) geçirdi. Şeýlelikde, Martines dekabrdan bäri çempionatda ilkinji gezek tapawutlandy. Galyberse-de Inter Serie A-da 4 duşuşykdan soň ýeňiş gazandy. Utugyny 58-e çykaran Inter 1-nji orna geçdi. Serie A-da tapgyryň merkezi duşuşygynda 57 utukly 2 topar, 2-3-nji orunlarda barýan Napoli bilen Milan duşuşar. Duşuşyk ýekşenbe güni gije 00:45-de başlanar.
