Angliýanyň çempionaty “Premier Ligada” ertir Mançester derbisi oýnalar. Çempionlygy kesgitläp biljek bu oýunda “Mançester Siti” öz meýdançasynda “Mançester Ýunaýtedi” kabul eder. Duşuşyk ýekşenbe güni, ýagny 6-njy martda 21:30-da başlar. Bu duşuşyk 2 toparyň arasyndaky umumylykda 187-nji duşuşyk bolup, olar çempionatda (Angliýanyň ýokary ligasy, “Premier Liga”) mundan ozal, 153 gezek gabatlaşdylar. Umumylykda “Siti” 56 (çempionatda 46), “Ýunaýted” 77 (çempionatda 59) gezek ýeňiş gazandy. 53 duşuşyk deňlikde tamamlandy (çempionatda 48). Gollarda 265-253 “Ýunaýted” öňde (çempionatda 211-210 gol).
Möwsümiň 1-nji duşuşygynda “Mançester Siti” köne bäsdeşini “Old Traffordda 2-0 ýeňipdi. “Mançester Ýunaýted” bolsa “Mançester Sitini” soňky 5 duşuşygynda myhmançylykda 3 gezek ýeňmegi başardy (1 deňlik, 1 ýeňliş).
