Angliýanyň çempionatynda 28-nji tapgyryň jemleýji oýnunda Tottenham öz meýdançasynda Ewertony kabul etdi. Ýer eýeleriniň doly artykmaçlygynda geçen duşuşykda londonlylar 5-0 hasabynda ýeňiş gazandy. Oýunda gollary Maýkl Kin (14 ö.d.), Hyn Min Son (17), Harri Keýn (37, 56) hem-de Serhio Regiulon (46) geçirdi. Duşuşykda 2 gezek tapawutlanan Harri Keýniň Premier Ligadaky gollarynyň sany 176-a ýetdi. Şeýlelikde, 28 ýaşyndaky futbolçy bu ugurda Tierri Anriden (175 gol) öňe saýlanyp, 6-njy orna beýgeldi. Keýn ýene-de 2 gol geçirse, 177 golly Frank Lamparddan hem öňe geçer.
Angliýanyň Premier Ligasynda iň köp gol geçiren futbolçy 260 gol bilen Alan Şirer bolup, ol sanawyň başyny çekýär. Weýn Runiniň 208, Andruw Koulyň 187, Serhio Agueronyň 184 goly bar.
