UEFA Çempionlar Ligasynda çärýek finalyň bijeleri az salym öň çekildi. Bije çekiliş dabarasy Şweýsariýanyň Nion şäherinde geçirildi. Oňa UEFA-nyň hem-de çykyş edýän klublaryň degişli wekilleri gatnaşdylar. Şoňa görä, kubogyň häzirki eýesi Çelsi bu ýaryşyň iň köp ýeňiş gazanan topary Real Madrid bilen bije çekişdi. 1/8 finalda Mançester Sitini ýaryşdan çykaran Atletiko Madrid çärýek finalda Mançester şäheriniň beýleki wekili Mançester Siti bilen ýarym finala çykmak ugrunda güýç synanyşar. Benfika bilen Liwerpul bije çekişe bolsa, Wilýarreal hem Bawariýa bilen duşuşar.
Çärýek finalyň 1-nji duşuşyklary 5-6-njy aprelde, jogap oýunlary-da 12-13-nji aprelde oýnalar.
Çärýek finalyň bijeleri:
Çelsi – Real Madrid
Mançester Siti – Atletiko Madrid
Benfika – Liwerpul
Wilýarreal – Bawariýa
