Italiýanyň çempionaty Serie A-da 30-njy tapgyrda Jenoa topary öz meýdançasynda Torinony 1-0 ýeňdi. Genue şäheriniň klubuna ýeňiş getiren ýeke-täk goly 14-nji minutda Portanowa geçirdi. 24-nji minutda bir oýunçy kem galan Jenoa goragda berk durup, ahyry 3 utuk gazanmagy başardy. Topar 3-nji tapgyrdan soň, ýagny çempionatda 27 oýundan soň ilkinji gezek ýeňiş gazandy. Möwsümiň başyndan bäri 2 tälimçi çalşan kluba 3-nji tälimçi tälim berýär. 7 oýundan bäri (şolaryň 5-si golsuz, şol bir wagtyň özünde soňky 3-si) deňme-deň oýnap gelýän topar ahyry ýeňişsiz ýoluny soňlandyrmagy başardy. Jenoa bu ýeňişden soň utugyny 22-ä çykaryp, 2 oýny kem Wenesiýadan öňe saýlandy we 18-nji orna beýgeldi. Jenoa indiki tapgyrda myhmançylykda Werona bilen duşuşar.
