Ýaponiýanyň Meteorologiýa Agentligi Honşu adasynyň günortasynda deňziň düýbündäki wulkanyň atylandygyny habar berdi. Howa maglumatlaryna öwrenmek üçin ulanylýan emeli hemralaryň birinden alnan maglumatlar Tokionyň müň kilometr töweregi günortasyndaky Demirgazyk Iwo Jima adasynyň golaýyndaky Funka Asane sebitinde suwasty wulkanyň ýarylandygyny görkezýär.
Demirgazyk Iwo Jima adasynyň 5 kilometre barabar demirgazyk-günbataryndaky Funka Asane sebitinde 1930-1945-nji ýyllar aralygynda 2-3 gezek wulkan atylan eken. Ol ýerde 1945-nji ýyldan bäri wulkan ýarylandygy hasaba alynmandyr.
Ýuwaş ummanynda suwasty wulkanlaryň ýüzlerçesi bar. kähalatlarda suwasty wulkanyň atylmagy netijesinde adalar emele gelip, şol ada guşlaryň barmagy netijesinde tebigy ýaşaýyş başlap bilýär.
