UEFA Çempionlar Ligasynda şu gün çärýek finalyň ilkinji duşuşyklary geçiriler. Tapgyryň ilkinji 2 oýny şu gije oýnalyp, Benfika Liwerpuly, Mançester Siti bolsa Atletiko Madridi kabul eder. Duşuşyklaryň ikisi hem 00:00-da başlar.
Benfika bilen Liwerpulyň arasyndaky şu gijeki oýun özara 11-nji duşuşyk bolar. Mundan öňki 10 oýnuň hiç birinde-de toparlar deňme-deň oýnaman, Liwerpul 6, Benfika 4 gezek ýeňiş gazandy. Liwerpul 19, Benfika 11 gol geçirdi. “Luž” stadionynda oýnaljak şu gijeki oýna rumyniýaly ispaniýaly Hesus Gil Manzano eminlik eder.
“Etihad” stadionyndaky Mançester Siti bilen Atletiko Madridiň arasyndaky duşuşyk olaryň özara ilkinji oýny bolar. Duşuşyga rumyniýaly Istwan Kowaç eminlik eder.
Ertir Wilýarreal Bawariýany kabul etse, tapgyryň iň esasy oýnunda soňky çempion Çelsi bilen kubogy iň köp eýelän Real Madrid özara güýç synanyşarlar.
