Portugaliýanyň çempionaty “Premeira Ligada” sanawyň ýeňlişsiz lideri “Porto” 29-njy tapgyrda myhmançylykda “Witoria Gimaraýnş” toparyndan 1-0 üstün çykdy. “Porto” toparyna ýeňiş getiren ýeke-täk goly 36-njy minutda penaltiden eýranly hüjümçi Mehdi Taremi geçirdi. Ol 63-nji minutda ýene bir penalti urgusyny ýerine ýetirdi. Ýöne bu gezek ýer eýeleriniň derwezeçisi topy sowmagy başardy. Şeýlelikde, “Porto” topary çempionatda 57 oýundan bäri ýeňilmän gelýär. Bu görkeziji rekorda deň bolup, ozalky rekord 56 oýun bilen “Benfika” toparyna degişlidi. “Porto” topary soňky gezek 2020-nji ýylyň 30-njy oktýabrynda “Pasuş de Ferreiradan” 3-2 utulypdy.
Çempionatyň tamamlanmagyna 5 tapgyr galanda “Porto” 2-nji ýerdäki “Sportingden” 6 utuk öňde barýar.
