12-nji aprelde adamzadyň kosmosa uçuşynyň güni bellenilýär. Bu sene kosmos giňişligine adamyň ilkinji uçuşyna bagyşlanan, ylmyň bu möhüm ugrunyň ýeten uly sepgidiniň özboluşly senesidir. 1962-nji ýylyň 9-njy aprelinde Sowet Soýuzynyň karary bilen döredilip, 1968-nji ýylda Halkara Awiasiýa federasiýasynyň maslahatynda halkara derejesini aldy. 2011-nji ýylyň 7-nji aprelinde BMG-niň Baş Assambleýasynyň mejlisinde älem giňişligini öwrenmekde ilkinji ädimiň 50 ýyllygy mynasybetli halkara derejesi berlen bu senä 60-dan gowrak sebit hemaýatkär boldy.
Mälim bolşy ýaly, 1961-nji ýylyň 12-nji aprelinde kosmonawt Ýuriý Gagarin “Wostok” kosmos gämisinde dünýäde ilkinji gezek orbital uçuşyny amala aşyryp, kosmos uçuşlarynyň başyny başlady. Bary-yogy 108 minut dowam eden uçuş kosmos gözlegleri boýunça esasy üstünlik boldy.
Soňky ýyllarda bolsa ylmyň we tehnikanyň ösmegi bilen kosmosy öwrenmekde uly işler edildi, eneçeme emeli hemralar uçuryldy, Aýyň üstüne gonup ol ýerden toprak nusgalary getirildi, beýleki planetalary öwrenmek üçin taslamalar durmuşa geçirildi. Häzirki wagtda bolsa, diňe ylmy maksatlar üçn däl, eýsem syýahatçylyk maksatlary üçin hem kosmosa çykylýar.
Şyhnazar Baýramdurdyýew,
S.A.Nyýazow adyndaky Türkmen oba hojalyk uniwersitetiniň talyby
