Birleşen Arap Emirlikleriniň Dubaý şäherinde ýol hereketiniň düzgünlerine gözegçilik etjek robot ulaglar tanyşdyryldy. Bu ulaglaryň aýratynlyklary sürüjisiz hereket edip bilýändigi we ýol hereketinde ýüze çykýan düzgün bozmalary okap, bu barada polisiýanyň ýol gözegçiligi gullugyna habar berip bilýänligidir. Emeli intellektli, bäş sany hereketlendiriji ulgamly bu ulagyň islendik gurşawda hem hereket etmäge mümkinçiligi bar. Şäheriň içinde köpçülikleýin herekete gözegçilik edýän sürüjisiz ulaglaryň häzirki wagtda iki sanysy tanyşdyryldy. Olaryň biri ýaşaýyş etrapçalaryndaky ýol hereketine gözegçilik edýän bolsa, beýlekisi ýolda bolup geçýän düzgün bozmalar hakynda polisiýanyň ýerli bölümlerine habar berýär.
Eziz Orazlyýew,
S.A.Nyýazow adyndaky Türkmen oba hojalyk uniwersitetiniň talyby
