Şa zenan Ýelizaweta II-iň platina ýubileýine bagyşlanan 70 ýylyň iň gowy kitaplarynyň sanawy düzüldi. Bu barada “The Insider” portaly habar berýär. Bu sanaw “BBC Arts” taslamasy hem-de haýyr-sahawat guramasy “The Reading Agency” tarapyndan geçirilen pikir soralyşyklara esaslanyp düzüldi. Bu çärä britan Milletler Arkalaşygynyň 54 ýurdunyň okyjylarynyň, kitaphanaçylarynyň we edebiýat bilermenleriniň gatnaşmagynda bäş aýyň dowamynda düzüldi. Sanawa Ýelizaweta II-iň tagtda oturan ýyllarynyň sanyna görä, iň naýbaşy 70 eser saýlanyp alyndy.
Çäräni guraýjylar ilki bilen uzyn sanawa 153 eser girizip, soňra olaryň arasyndan 70 kitaby saýlap aldylar. Çäräni guraýjylar bu kitaplaryň Milletler Arkalaşygyň dürli sebitleriniň ýazyjylary tarapyndan soňky 70 ýylda döredilen 70 sany ajaýyp, gyzykly eserlerdigini tassyklaýarlar.
Ýelizaweta II-iň platina ýubileýi şu ýylyň iýun aýynda Beýik Britaniýada we Demirgazyk Irlandiýada şa zenanyň tagta çykmagynyň 70 ýyllygyny mynasybetli guralar.
