Birleşen Patyşalygyň iň uzak wagtlap tagta bolan Şa zenany Ýelizaweta II 96 ýaşady. Şeýle hem şu ýyl Şa zenanynyň tagta çykmagynyň 70 ýyllygy bellenilýär. Ol entek ýaş wagty tagta çykan wagty isle uzyn bolsun, isle gysga, bütin ömrüni halkyna we patyşalyga hyzmat etmäge bagyşlajakdygyny aýdypdy. Şa zenanynyň doglan güni, dap bolşy ýaly, her ýylda iki gezek bellenilýär. Doglan güni bolan 21-nji aprelde hakyky doglan güni bellenilýän bolsa, howanyň has maýyl wagty bolan iýunda bu mynasybetli ýörite ýöriş geçirilýär. Britan patyşalygynda hökümdaryň tagtda oturan wagtyna görä, Kümüş, Altyn we Platina atlary bilen ýubileý dabaralary geçirilýär. Şa zenanynyň tagtda oturan wagty göz öňünde tutulyp, şu ýylyň iýunynda Platina ýubileýi geçiriler. Ýelizaweta II-niň ýanýoldaşy Şazada Filip geçen ýylyň 9-njy aprelinde aradan çykypdy. Şa zenany 2015-nji ýylda 89 ýaşynda wagty iň uzak wagtlap tagtda bolan iňlis hökümdary adyna eýe bolupdy. Mundan ozal bu at XIX asyrda ýaşap geçen Şa zenany Wiktoriýa degişlidi.
