Russiýanyň nebit kompaniýasy “Lukoýl”-yň başlygy Wagit Alekperow wezipesinden gitmek kararyna geldi we kompaniýanyň direktorlar geňeşinden çekildi. Bu barada TASS habarlar gullugy kompaniýanyň metbugat gullugyna salgylanyp habar berdi.
Alekperow Moskwanyň belli futbol topary “Spartak”-yň hemaýatkäri bolan “Lukoýl” kompaniýasyny esaslandyryjylaryň biridir. “Forbes” 2019-njy ýylda Alekperowyň “Spartak”-yň paýnamalarynyň 36,7 göterimine eýeçilik edýändigini habar beripdi.
Belli işewüriň ogly Ýusuf Alekperow 2021-nji ýyldan bäri kompaniýanyň direktorlar geňeşinde işleýär.
