Ispaniýanyň çempionatynda 21-nji tapgyryň galdyrylan duşuşygynda Barselona öz meýdançasynda Raýo Wallekanony kabul etdi. Oýun babatda ýer eýeleriniň artykmaçlygynda geçen duşuşykda Raýo Wallekano topary 1-0 hasabynda ýeňiş gazandy. Myhmanlara ýeňiş getiren ýeke-täk goly 7-nji minutda Alwaro Garsiýa derwezä girizdi. Şondan soň barselonaly futbolçylar onlarça amatly pursatdan ýerlikli peýdalanyp bilmediler. Netijede, Barselona 1-0 hasabynda utuldy. 32-nji tapgyrda öz meýdançasynda Kadizden hem 1-0 asgyn gelen Barselona Kamp Nouda bassyr 3-nji duşuşygynda ýeňildi. Katalonlar Ýewropa Ligasynda-da Aýntrahtdan utulypdylar. Barselona topary taryhynda ilkinji gezek bir möwsümde öz meýdançasynda yzly-yzyna 3 duşuşykda ýeňildi.
Bu ýeňlişden soň sanawyň lideri Real Madrid çempionlyga bir ädim golaýlap, olar geljek tapgyrda 1 utuk gazanan ýagdaýynda-da çempion bolarlar.
