Türkmenleriň Prezidenti Serdar Berdimuhamedowyň Russiýa eden ilkinji daşary ýurt sapary iki ýurduň arasyndaky gatnaşyklaryň aýratyn häsiýetini görkezýär. Muny Russiýanyň Prezidenti Wladimir Putin türkmen kärdeşi bilen duşuşygynda aýtdy. Bu barada TASS habarlar gullugy mälim etdi.
Putiniň pikiriçe, ýurtlaryň arasyndaky gatnaşyklar strategik ähmiýete eýedir.
Şeýle hem, Wladimir Putin Türkmenistan bilen gatnaşyklary ösdürmek baradaky resminama gol çekjekdigini aýtdy.
Serdar Berdimuhamedow hem öz gezeginde, Putini Türkmenistana resmi sapar bilen çagyrdy. Şeýle hem, rus liderine ikitaraplaýyn gatnaşyklaryň ösmegine goşan goşandy üçin hoşallyk bildirdi. Berdimuhamedowyň bellemegine görä, ýurtlaryň arasyndaky gatnaşyklar 30 ýyl bäri dürli ugurlarda üstünlikli ösdürilýär.
Putin Türkmenistana baryp görmek çakylygyny kabul etdi.
