Wengriýanyň paýtagty Budapeştde dowam edýän 19-njy FINA Suw sportlary Dünýä çempionatynda hemmäni gynandyran waka boldy. Sinhronlaýyn ýüzmegiň ýekeleýin erkin görnüşinde bäsleşýän amerikaly Anita Alwares öz çykyşyny dowam edýän mahaly huşdan gidip çaşdy. Şol pursatda howzuň aşagyna çümen Alwaresi dessine suwa böken tälimçisi Andreas Fuentes halas etdi. Dessine howuzdan çykarylan Alwaresiň keselhana getirilendigi we 25 ýaşyndaky ýüzüjiniň häzirki wagtda saglyk ýagdaýynyň kadalydygy, gowudygy we az-owlak dynç almalydygy habar berildi.
Anita Alwares ozal hem howuzda şeýle wakany başdan geçiripdi. Ol Olimpiýa oýunlarynyň saýlama tapgyrynda Barselonada howuzda mahaly özünden gidipdi.
