Ispaniýanyň “Barselona” topary öňki klublary bilen şertnamasy tamamlanan iki oýunçyny düzümine goşdy. Katalonlar “Milan” bilen şertnamasy soňlanan kot-d’iwuarly 25 ýaşyndaky Frank Kessini hem-de “Çelsiden” gaýdan daniýaly 26 ýaşyndaky goragçy Andreas Kristenseni transfer etdi. Iki oýunçyny-da tölegsiz düzümine goşan “Barselona” olaryň ikisi bilenem 4 ýyllyk şertnama baglaşdy.
Kessi “Milanda” 4 ýyl çykyş etdi. “Çelsiniň” ýaşlar düzüminde kemala gelen Kristensen 2014-nji ýyldan bäri londonlylaryň esasy toparynda oýnap gelýärdi.
Şeýle-de, “Barselona” topary fransiýaly goragçysy Kleman Lengleni “Tottenhama” kärendesine iberer. “Tottenham” topary Lengleniň kärendesi üçin 10 million ýewro berer.
