Angliýanyň “Mançester Ýunaýted” topary “Brentford” bilen şertnamasy tamamlanan daniýaly ýarymgoragçy Kristian Erikseni düzümine goşdy. Mankunianlar 30 ýaşly oýunçy bilen 3 ýyllyk şertnama baglaşdylar. Bu barada klub resmi ýagdaýda habar berdi. Eriksen geçen möwsümiň 2-nji ýarymynda “Brentfordyň” düzümine goşulyp, ol “Premier Ligada” 11 oýunda 1 gol geçirdi, 4 goluň pasyny berdi. Karýerasy boýunça “Aýaks”, “Tottenham” hem-de “Inter” klublarynyň köýnekçesini geýen Eriksen geçen tomusda Ýewropa çempionatynda Daniýa-Finlýandiýa duşuşygynda ýüregi durup, meýdançany terk etmeli bolupdy. 6-7 aý bejergi alan Eriksen ýanwar aýyndan täzeden futbol oýnap başlapdy.
