Urugwaýly meşhur hüjümçi Luis Suares 16 ýyldan soň ilkinji toparyna dolandy. 35 ýaşyndaky oýunçynyň “Atletiko Madrid” bilen şertnamasy tamamlanypdy. Tejribeli hüjümçi Urugwaýyň paýtagty Montewideonyň “Nasional” topary bilen şertnama baglaşdy. Ol 2005-2006 möwsüminde bu klubda oýnap, 2006-njy ýylda 800 müň ýewro Niderlandlaryň “Groningen” toparyna transfer bolupdy. Şondan “Aýaks”, “Liwerpul”, “Barselona”, “Atletiko Madrid” toparlarynda oýnan ýyldyz futbolçy 730 oýunda 452 gol geçirdi. Ýewropa klublarynda 17 kubok gazanan Luiz Suares Urugwaýyň ýygyndysynda-da 132 duşuşykda 68 gezek tapawutlandy.
