Şu ýylyň 3-4-nji oktýabr aralygynda ilkinji Bütinrussiýa Deňiz gurultaýy, sebit häkimiýetleriniň we işewür toparlarynyň goldawy bilen Moskwada guralar. Çäräniň esasy maksady täze makroykdysady şertlerde deňiz pudagynyň netijeli ösmegi üçin bilelikdäki çözgütleri işläp düzmekdir.
Gämi gurluşygynda importyň ornuny tutmagyň geljekki ugurlary, pudaga döwletiň goldaw çäreleri, Aziýa-Ýuwaş umman ýurtlary bilen halkara hyzmatdaşlygyny ösdürmek, floty täzelemek boýunça meýilnamalar, deňiz gatnawy üçin täze logistiki meýilnamalaryň seljerişi gün tertibiniň esasy ugurlary bolar. Gurultaý Birleşen gämi gurluşyk korporasiýasynyň 15 ýyllygy we Demirgazyk deňiz ýolunyň 90 ýyllygy mynasybetli geçirilýär. Gurultaýyň işine Russiýanyň 50 sebitinden we dünýäniň 10 ýurdundan 1500-den gowrak wekil gatnaşar. Kongresi guraýjylaryň sözlerine görä, oňa Türkmenistandan, Hytaýdan, Türkiýeden, Eýrandan, Hindistandan, Wýetnamdan, Filippinlerden, Mýanmadan, BAE-den, Müsürden, Gazagystandan we Latyn Amerika ýurtlaryndan wekilleriň gatnaşmagyna garaşylýar.
