UEFA Çempionlar Ligasynda “E” toparçada tälimçisini çalşan “Çelsi” öz meýdançasynda “RB Salsburgy” kabul etdi. Çekeleşikli geçen oýun 1-1 hasabynda deňlikde tamamlandy. Gollary ýer eýelerinden Sterling, myhmanlardan 1-nji oýunda-da tapawutlanan Okafor geçirdi. “Milan” topary öz meýdançasynda “Dinamo Zagreb” bilen duşuşyp, 3-1 hasabynda ýeňiş gazandy. “Milan” Çempionlar Ligasynyň çäginde soňky 9 ýylda öz meýdançasynda ilkinji gezek ýeňiş gazanmagy başardy.
“F: toparçada “Şahtýor Donesk” Polşada “Seltik” bilen duşuşyp, oýun 1-1 hasabynda deňlikde tamamlandy. “Real Madrid” bolsa 80-nji minutdan soň 2 gol geçirip, “Leipsigi” 2-0 hasabynda ýeňlişe sezewar etdi. “Realyň” gollaryny Federiko Walwerde bilen Marko Asensio geçirdi. Bu ýeňiş Karlo Ançelottiniň Çempionlar Ligasyndaky 100-nji ýeňşi bolup, ol 102 ýeňişli Aleks Fergusondan soň 2-nji ýerde barýar.
