Düýn – 15-nji sent­ýabr­da Öz­be­gis­ta­nyň Sa­mar­kant şä­he­rin­de Şan­haý Hyz­mat­daş­lyk Gu­ra­ma­sy­nyň (ŞHG) sam­mi­ti öz işine baş­la­dy. Bu sammit 2019-njy ýyl­dan bä­ri il­kin­ji ge­zek birnäçe ýurtlaryň döwlet Baştutanlarynyň gatnaşmagynda ýüz­be-ýüz ýag­daý­da geçirilýär. ŞHG-niň sam­mi­ti­ne Öz­be­gis­ta­nyň Pre­zi­den­ti Şaw­kat Mir­zi­ýo­ýew­den baş­ga-da Rus­si­ýa­nyň Pre­zi­den­ti Wla­di­mir Pu­tin, Hy­ta­ý Halk Res­pub­li­ka­sy­nyň Baş­ly­gy Si Szin­pin, Hin­dis­ta­nyň Prem­ýer-mi­nist­ri Na­rend­ra Mo­di, Ga­za­gys­ta­nyň Pre­zi­den­ti Kas­ym-Žo­mart To­ka­ýew, Pa­kis­ta­nyň Prem­ýer-mi­nist­ri Şah­baz Şe­rif, Gyr­gy­zys­ta­nyň Pre­zi­den­ti Sa­dyr Ja­pa­row, Tä­ji­gis­ta­nyň Pre­zi­den­ti Emo­ma­li Rah­mon gat­naş­ýar. Sam­mi­tiň do­wa­myn­da ta­rap­lar ŞHG-niň ara­syn­da­ky hyz­mat­daş­ly­gy mun­dan beý­läk-de güýç­len­dir­mek üçin ile­ri tu­tul­ýan me­se­le­le­ri ara alyp mas­la­hat­laşýar­lar hem-de hal­ka­ra we se­bit me­se­le­le­ri ba­ra­da pi­kir alyş­ýarlar.
Sam­mi­tiň do­wa­myn­da ŞHG-ä ag­za ýurt­la­ryň ýol­baş­çy­la­ry tö­wek­gel­çi­lik­le­re we kyn­çy­lyk­la­ra gar­şy gö­reş­mek, howp­suz­ly­gy, dur­nuk­ly­ly­gy we ösü­şi iler­let­mek üçin tä­ze pi­kir­le­ri we çä­re­le­ri ara alyp mas­la­hat­laş­ýar­lar. Mas­la­hat­yň do­wa­myn­da yk­dy­sa­dy we söw­da gat­na­şyk­la­ry­ny pug­ta­lan­dyr­ma­ga, ulag we ara­gat­na­şyk gat­na­şyk­la­ry­ny gi­ňelt­mä­ge aý­ra­tyn üns be­r­ýärler. Sammitde Öz­be­gis­ta­nyň ŞHG-ä baş­lyk­lyk eden döw­rün­de gu­ra­ma­nyň hal­ka­ra ab­ra­ýy­ny güýç­len­di­rip, san­ly üýt­geş­me­le­ri we «ýa­şyl» yk­dy­sa­dy­ýe­ti ös­dü­ren­di­gi bel­le­nildi.
Sam­mi­te syn­çy döw­let­le­riň Baş­tu­tan­la­ry hök­mün­de, Be­la­ru­suň Pre­zi­den­ti Alek­sandr Lu­ka­şen­ko, Eý­ra­nyň Prezidenti Seýed Eb­ra­him Rai­si, Mon­go­li­ýa­nyň Pre­zi­den­ti Uh­naa­giýn Hu­rel­suh gat­naşýar. ŞHG-niň sam­mi­ti­ne Tür­ki­ýä­niň Pre­zi­den­ti Re­jep Ta­ýyp Är­do­gan, Azer­baý­ja­nyň Prezidenti Il­ham Ali­ýew, Türk­me­nis­ta­nyň Prezidenti Serdar Berdimuhamedow myh­man hök­mün­de gat­naş­ýar.
ŞHG 2001-nji ýyl­da dö­re­di­len hal­ka­ra gu­ra­ma bo­lup, Hin­dis­tan, Ga­za­gys­tan, Hy­taý, Gyr­gy­zys­tan, Rus­si­ýa, Tä­ji­gis­tan, Pa­kis­tan we Öz­be­gis­tan onuň ag­za­la­ry­dyr. Syn­çy ýurt­lar – Ow­ga­nys­tan, Be­la­rus, Eý­ran we Mon­go­li­ýa, hyz­mat­daş ýurt­lar – Azer­baý­jan, Er­me­nis­tan, Kam­bo­ja, Ne­pal, Tür­ki­ýe we Şri-Lan­ka. Sammitde Eýranyň ŞHG-äniň doly agzasy bolmagyna ýol açýan ylalaşyga gol çekildi. Şeýle-de, Belarusuň gurama doly agza bolmak baradaky arzasynyň kabul edilmegine garaşylýar.

Gyzykly bolup bilerЕЩЕ ОТ АВТОРА