Şanhaý Hyzmatdaşlyk Guramasynyň agza ýurtlary sammitiň netijelerinden soň Samarkant Jarnamasyna gol çekdiler
Resminamanyň esasy düzgünleri:
– Ýurtlar ŞHG-niň beýleki döwletlere we halkara guramalara garşy gönükdirilmeýändigini tassykladylar, şeýle hem özara bähbitleri göz öňünde tutup, guramanyň olar bilen giň hyzmatdaşlyga açykdygyny bellediler;
– Döwletler goranmak we howpsuzlyk pudagyndaky hyzmatdaşlygy artdyrmak isleýändiklerini mälim etdiler, şeýle hem terrorçylyga garşy tälimleriň we bilelikdäki “Parahatçylyk missiýasy” türgenleşiklerini geçirmegiň möhümdigini mälim etdiler;
– Guramanyň agzalary, aýry-aýry ýurtlar tarapyndan global raketa goranyş ulgamlarynyň birtaraplaýyn ösdürilmegini ýazgardylar. Olaryň pikiriçe, bu halkara howpsuzlygyna we durnuklylygyna ýaramaz täsir edýär;
– Döwletler maglumat-aragatnaşyk tehnologiýalary sferasynyň harbylaşdyrylmagyna garşy çykdylar we BMG-niň howandarlygynda maglumat-aragatnaşyk tehnologiýalaryny jenaýat maksatly ulanmaklyga garşy halkara konwensiýasynyň howandarlygynda işläp taýýarlamalaryň ýola goýulmagyny goldadylar;
– ŞHG-niň agzalary kosmosy ýaragdan azat goramaga çagyrdylar we kosmos giňişliginde ýarag ýaryşynyň öňüni almagy kepillendirip biljek halkara kanuny taýdan resminama taýýarlamagyň zerurdygyny aýtdylar. ŞHG 2001-nji ýylda döredilen halkara guramadyr. Oňa gatnaşyjylar Hindistan, Gazagystan, Hytaý, Gyrgyzystan, Russiýa, Täjigistan, Pakistan we Özbegistan. ŞHG-niň synçy ýurtlary Owganystan, Belarus, Eýran we Mongoliýa, hyzmatdaş ýurtlary Azerbaýjan, Ermenistan, Kamboja, Nepal, Türkiýe we Şri-Lanka.
