2-nji oktýabrda Bosniýa we Gersegowinada ahlumumy saýlawlar geçiriler. Bu barada ýurduň Merkezi saýlaw komissiýasy (CEC) habar berdi.
Ertir Bosniýa we Gersegowinada Prezidiumynyň agzalarynyň saýlawlarynyň, BwG-niň Parlament Assambleýasynyň wekiller palatasynyň saýlawlarynyň geçiriljekdigi habar berilýär. Mundan başga-da, Serb Respublikasynyň Prezidentiniň we Wise-prezidentleriň, Serb Respublikasynyň parlamentine, şeýle hem BwG-niň federasiýasynyň parlamentine saýlawlar geçiriler.
Öňki umumy saýlawlar 2018-nji ýylyň 7-nji oktýabrynda geçirilipdi.
Bosniýa we Gersegowinanyň prezidiumy, Konstitusiýa laýyklykda, üç adamdan – serbden, horwatdan we boşnýakdan ybarat bolup, dört ýyldan göni ses bermek arkaly saýlanýar. Horwat we boşnýak Bosniýa we Gersegowina federasiýasynda, serb bolsa, Serb Respublikasynda saýlanýar. Prezidiumyň birinji başlygy saýlawlarda iň köp sese eýe bolan adam bolýar. Soňra her sekiz aýdan bir gezek üýtgeşiklik bolup, kararlar ylalaşyk ýörelgesi esasynda kabul edilýär hem-de üç başlygyň hersiniň weto hukugy bar.
Şol bir wagtyň özünde, ýurt BMG-niň Howpsuzlyk Geňeşi tarapyndan dalaşgärligi tassyklanandan soň parahatçylyk şertnamasynyň ýerine ýetirilmegi boýunça Geňeşiň dolandyryş komiteti tarapyndan bellenen halkara jemgyýetçiliginiň ýokary wekili (bu wezipe Daýton şertnamasyna laýyklykda döredildi) arkaly dolandyrylýar. Bosniýa we Gersegowina Respublikasy – Balkan ýarym adasynyň merkezi bölegindäki konfederatiw döwlet. Ol Bosniýa we Gersegowina Federasiýasy, Serb Respublikasy we Brçko okrugy diýen awtonom administratiw birliklerden emele gelýär. Ýurduň ady Bosna derýasynyň adyndan we nemes tituly bolan “hersog” sözünden gelip çykýar. Ol günbatarda we demirgazykda Horwatiýa, gündogarda Serbiýa, günorta-gündogarda Montenegro bilen serhetleşýär. Adriatik deňzine uly bolmadyk çykalgasy bar.
