1980-nji ýyllarda meşhurlyk gazanan “Gyrnak Izaura” atly brazil teleserialynyň baş aktrisasy Luselia Santos ýerli mejlisiň aşaky palatasyna saýlanyp bilinmedi.
Santos, prezidentlige dalaşgär Luis Inasiu Lula da Silwanyň tarapdary. Aktrisa Rio-de-Žaneýro ştatynyň deputatlygyna saýlandy we daşky gurşawy, Amazon sebitini, şeýle hem Braziliýanyň ýerli halklaryny goramakda çykyş edýär.
– Saýlawda ýeňiş gazanyp bilmedik, ýöne göreşimiz dowam edýär – diýip, ol sosial ulgamlarda ýazdy.
1976-njy ýylda surata düşürilen “Gyrnak Izaura” serialy 1988-1989-njy ýyllarda ozalky SSSR-de görkezilip, giň meşhurlyk gazandy. Şol döwürlerde Izauranyň kyssasy sowet we rus jemgyýetinde ep-esli yz galdyrdy. Şu ýylyň iýun aýynda bu serialyň režissýory Milton Gonsalweş 88 ýaşynyň içinde aradan çykdy.
