Hä­zir­ki wagt­da ýur­du­myz­da bi­lim ul­ga­my­na döw­le­ti­miz ta­ra­pyn­dan yzy­gi­der­li üns be­ril­ýär. «Hal­kyň Ar­ka­dag­ly za­ma­na­sy ýy­lyn­da» mil­li bi­lim ul­ga­my­ny düýp­li öz­gert­mek bo­ýun­ça döw­re­bap ka­nun­la­ryň we mil­li mak­sat­na­ma­la­ryň ka­bul edil­me­gi top­lum­la­ýyn hä­si­ýe­te eýe bol­ma­gy hem-de do­wam­ly kä­mil­leş­di­ril­me­gi bi­len ta­pa­wut­lan­ýar. Türk­me­nis­tan­da bi­lim yn­san­per­wer­li­ge, de­mok­ra­ti­ýa, mil­li aň-dü­şün­je­li­li­ge hem-de adam­la­ryň we halk­la­ryň bi­ri-bi­ri­ne hor­mat goý­ma­gy­na esas­lan­ýar. Ýur­du­myz­da ada­myň we ra­ýa­tyň döw­le­ti­mi­ziň Kons­ti­tu­si­ýa­syn­da ber­ki­di­len esa­sy hu­kuk­la­ry­nyň bi­ri hem ola­ryň bi­lim al­ma­ga bo­lan hu­ku­gy­dyr. Hormatly Prezidentimiziň Türk­me­nis­ta­nyň Prezident­i we­zi­pe­si­ne gi­riş­mek da­ba­ra­syn­da eden çy­ky­şyn­da «Mil­li bi­lim ul­ga­my­ny kä­mil­leş­dir­mek, ýo­ka­ry yl­my müm­kin­çi­li­gi bo­lan giň göz­ýe­tim­li, mak­sa­da ok­gun­ly, in­no­wa­si­on teh­no­lo­gi­ýa­la­ry do­lan­dyr­ma­ga ukyp­ly, ýo­ka­ry hü­när­li, taý­ýar­lyk­ly ýaş­la­ry ter­bi­ýe­läp ýe­tiş­dir­mek bo­ýun­ça äh­li ta­gal­la­lar edi­ler» di­ýip bel­läp geç­me­gi, ýur­du­my­zyň mil­li bi­lim ul­ga­my­nyň mun­dan beý­läk-de gül­läp ös­jek­di­giniň aý­dyň be­ýa­ny­dyr.
Türk­me­nis­ta­nyň Kons­ti­tu­si­ýa­sy­nyň 55-nji mad­da­syn­da: «Her bir ada­myň bi­lim al­ma­ga hu­ku­gy bar­dyr. Umu­my or­ta bi­lim hök­ma­ny­dyr, her bir adam ony döw­let bi­lim eda­ra­la­ryn­da tö­leg­siz al­ma­ga hak­ly­dyr» di­ýip ber­ki­di­len hu­kuk ka­da­syn­da ada­myň özü­niň ukyp­la­ry­ny we ze­hin­le­ri­ni do­ly ama­la aşyr­ma­gy ba­bat­da­ky hu­kuk­la­ry da­ba­ra­lan­dy­ryl­ýar. Ýur­du­my­zyň mil­li bi­lim ul­ga­my­nyň ka­nun­çy­lyk esas­la­ry bo­lan Adam hu­kuk­la­ry­nyň äh­lu­mu­my Jar­na­ma­syn­da: «Her bir ada­myň bi­li­m almaga hu­ku­gy bar­dyr. Bi­lim ju­da bol­man­da baş­lan­gyç we umu­my bi­lim ba­bat­da mugt bol­ma­ly. Baş­lan­gyç bi­lim hök­ma­ny bol­ma­ly. Teh­ni­ki we hü­när­men bi­li­mi umu­my­lyk­da el­ýe­ter bol­ma­ly we ýo­ka­ry bi­lim her bir ada­myň ukyp­la­ry esa­syn­da hem­me­ler üçin el­ýe­ter bol­ma­ly. Bi­lim ada­myň şah­sy­ýe­ti­niň do­ly ös­me­gi­ne we ada­myň hu­kuk­la­ry­na we esa­sy azat­lyk­la­ry­na hor­ma­tyň art­ma­gy­na gö­nük­di­ri­len bol­ma­ly. Bi­lim äh­li halk­la­ryň, jyn­sy we di­ni to­par­la­ryň ara­syn­da öza­ra dü­şü­niş­mä­ge, ge­çi­rim­li­li­ge we dost­lu­ga ýar­dam et­me­li we Bir­le­şen Mil­let­ler Gu­ra­ma­sy­nyň pa­ra­hat­çy­ly­gy gol­da­mak ba­ra­da­ky iş­le­ri­ne ýar­dam et­me­li». Ýur­du­myz­da ada­myň we ra­ýa­tyň bi­lim al­ma­ga bo­lan hu­ku­gy en­çe­me beý­le­ki mö­hüm hal­ka­ra hu­kuk na­ma­la­ryn­da öz be­ýa­ny­ny tap­ýar.
Döw­le­ti­miz­de ada­myň we ra­ýa­tyň bi­lim al­ma­ga bo­lan kons­ti­tu­si­on hu­kuk­la­ry­ny dur­mu­şa ge­çir­mek mak­sa­dy bi­len «Bi­lim ha­kyn­da» Türk­me­nis­ta­nyň Ka­nu­ny­nyň ka­bul edil­me­gi adam­la­ryň bi­li­me bo­lan hu­ku­gy­nyň ka­nu­ny ke­pil­lik­le­ri­ni art­dyr­mak­dan, şol hu­ku­gy ama­la aşyr­ma­gy has ne­ti­je­li we düýp­li üp­jün et­mek­den yba­rat­dyr. Ka­nu­nyň 1-nji mad­da­sy­na la­ýyk­lyk­da, Bi­lim al­mak hu­ku­gy ada­myň esa­sy we aý­ryl­maz kons­ti­tu­si­on hu­kuk­la­ry­nyň bi­ri bo­lup dur­ýar. Jem­gy­ýe­tiň ru­hy, dur­muş, yk­dy­sa­dy we me­de­ni ösü­şi­niň esa­sy hök­mün­de bi­li­mi kä­mil­leş­dir­mek Türk­me­nis­ta­ny ös­dür­me­giň ile­ri tu­tul­ýan ugur­la­ry­nyň bi­ri bo­lup dur­ýar. Bi­lim Türk­me­nis­ta­nyň ýaş nes­li ter­bi­ýe­le­mek we okat­mak ba­bat­da şah­sy­ýe­tiň, jem­gy­ýe­tiň, döw­le­tiň is­leg­le­ri­ni ka­na­gat­lan­dyr­ma­ga esas­lan­ýan mak­sat­la­ýyn we ul­gam­la­ýyn işi­niň bin­ýa­dy­dyr.
Bi­lim ul­ga­my­ny ka­da­laş­dyr­ma­gyň we bu hu­ku­gyň äh­li adam­la­ra ke­pil­len­di­ril­me­gi­niň döw­let işi­niň esa­sy ugur­la­ry­nyň bi­ri hök­mün­de kes­git­len­me­gi­niň se­bä­bi ylym we me­de­ni­ýet bi­len bir­lik­de bi­li­miň jem­gy­ýe­tiň çalt dep­gin­ler bi­len ös­me­gi­niň iň mö­hüm şer­ti bol­ma­gyn­da­dyr.
Ýur­du­myz­da oka­ma­ga, dö­ret­mä­ge, iş­le­mä­ge aja­ýyp şert­le­ri dö­re­dip ber­ýän hormatly Prezidentimiziň ja­ny sag, öm­ri uzak, il-ýurt bäh­bi­tli, adam­zat äh­mi­ýet­li alyp bar­ýan döw­let­li iş­le­ri he­mi­şe ro­waç­lyk­la­ra bes­len­sin.

Sü­leý­man ÝAZ­BER­DI­ÝEW,
Türk­me­nis­ta­nyň Içe­ri iş­ler mi­nistr­li­gi­niň ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА