Çempionlyk gazanan 445 futbolçynyň arasyndan diňe futbolyň şasy, braziliýaly Pele 3 gezek kubogy eýelemegi başardy. 23-nji oktýabrda 82 ýaşyny dolduran Pele 1958-nji, soňky duşuşyklarynda oýnamasa-da 1962-nji hem-de 1970-nji ýyllarda kubogy asmana göterdi.
2 gezek çempion bolanlar
445 futbolçynyň 20-sine 2 gezek çempion bolmak başartdy. Olaryň hem köpüsi braziliýaly futbolçylardyr. Çempion bolan futbolçylaryň käbiri-de çempionlyk gazanylan şol çempionatlarda 1 minutlyk hem meýdança çykmady. 1934-nji we 1938-nji ýyllarda çempion bolan italiýaly Juseppe Meazza, Jowanni Ferrari, Eraldo Monzelio, Guida Masetti, braziliýaly 1958-nji we 1962-nji ýyllarda çempionlyk gazanan Nilton Santos, Kastilýo, Džalma Santos, Didi, Mauro, Garrinça, Gilmar, Bellini, Zito, Pepe, Wawa, Mario Zagallo, Zozimo, 1994-nji we 2002-nji ýyllarda çempionlyk gazanan Ronaldo, Kafu hem-de 1978-nji we 1986-njy ýyllarda çempionlyk gazanan argentinaly Daniel Passarella 2 gezek çempion bolan futbolçylardyr.
