Urugwaýyň çempionaty “Primera Division”-nda “Nasional” topary 49-njy gezek çempion boldy. 2 tapgyrly çempionatyň 2-nji tapgyryny “Clausura”-nyň çempionlyk bilen tamamlan “Nasional” topary final duşuşygynda “Apertura”-nyň çempiony “Liwerpul (Montewideo) bilen duşuşdy. Çekeleşikli geçen oýnuň esasy wagty 1-1 deňlikde tamamlandy. Ýyldyz futbolçy Luis Suaresiň 50-nji minutdaky goluna “Liwerpul” topary 69-njy minutda Weçinonyň penaltiden geçiren goly esasynda jogap berdi. Goşmaça wagtda “Barselona” toparynyň ozalky ýyldyzy Luis Suares ýene bir gezek tapawutlandy (96). Duşuşygyň 107-nji we 113-nji minutlarynda-da Emmanuel Jilotti 2 gol geçirip, oýna soňky nokady goýdy. Şeýlelikde, 4-1 hasabynda ýeňiş gazanan “Nasional” topary 49-njy gezek Urugwaýyň çempiony bolmagy başardy.
