Belarusyň «Belavia» kompaniýasy Türkmenistana adaty uçar gatnawlaryny artdyrmagy meýilleşdirýär. 13-nji dekabrdan her hepdäniň sişenbe gününde Minsk — Türkmenbaşy ugry boýunça gatnawlar ýerine ýetirilip başlanar. Türkmenbaşy — Minsk ugry boýunça gatnawlar her hepdäniň çarşenbe güni amala aşyrylar.
Hepdäniň sişenbe güni uçar Minskiden sagat 22:40-da uçup, Türkmenbaşy Halkara howa menziline sagat 04:45-de gonar. Çarşenbe güni uçar Türkmenbaşydan ir sagat 05:45-de uçup, Minskä sagat 8:05-de gonar.
Awiakompaniýa 11-nji oktýabrdan bäri Minsk — Türkmenbaşy — Minsk ugry boýunça adaty howa gatnawlaryny amala aşyrýar.
Bu barada «Belta» habarlar gullugy awiakompaniýanyň metbugat gullugyna salgylanyp habar berýär.
