2023-nji ýylda Wýetnamda ýurduň 100 millionynjy raýatynyň dünýä inmegine garaşylýar. Bu barada ýurduň habar beriş serişdeleri habar berdi.
Şu günki günde Wýetnamyň ilaty 99 million adamdan geçýär, bu hem ony ilat sany boýunça dünýäde 15-nji, Aziýa sebitinde 8-nji we Günorta-Gündogar Aziýada üçünji ýurt hökmünde öňe çykarýar diýip, “Tuoi Tre” (Ýaşlar) gazeti habar berýär.
Wýetnamda 25 million zenan çaga dogurmak ýaşyndadyr (15-den 49 ýaş aralygy). Bu barada “Nguoi Lao Dong” (Işçiler) gazetiniň nutugynda bellenilýär. 2030-njy ýyla çenli bu mukdaryň 26 milliona ýetmegine garaşylýar diýip neşir belleýär.
Bütindünýä bankynyň maglumatlaryna görä, Wýetnam 2015-nji ýylda garraýan jemgyýet boldy we 2035-nji ýyla çenli garry jemgyýeti bolan ýurda öwrüler. Bu hem ony dünýäniň iň çalt garraýan döwletleriniň birine öwrer.
