Oksford uniwersiteti 340 müňden gowrak adamyň ses bermeginde 2022-nji ýylyň adalgasyny saýlady. Adalga dilçiler tarapyndan gysgaldylan üç sözden ýa-da söz düzüminden saýlanýar. Ýylyň adalgasy hökmünde “Goblin mody” saýlandy. Bu söz jemgyýetiň özünden garaşýan zadyny red edýän, ötünç soramaýan, özüni gowy görýän adamlary aňlatmak üçin ulanylýar. Bu adalga 318 müň 956 ses alypdyr. Ikinji söz “Metawers”, üçünjisi “I Stand With” (Men ýanynda/tarapynda) adalgasy saýlandy.
Oksford Dil bölüminiň başlygy Kasper Gratwol özüniň we işdeşleriniň köpçüligiň bu işe gatnaşmagynyň olary şatlandyrýandygyny umyt edýändiklerini aýtdy. Gratwol tamamlanyp barýan ýylda başdan geçirenlerimiz göz öňünde tutulanda, bu adalganyň hemmäni biparh goýmaýandygyny mälim etdi.
Oksford uniwersiteti bu adalganyň ulanylyşynyň köp ýurtda ýylyň birinji ýarymynda artandygyny aýan etdi.
Bu adalga ilkinji gezek 2009-njy ýylda “Twitter”-da peýda bolupdyr.
