Urugwaýyň çempiony “Nasional” bilen şertnamasy tamamlanan ýyldyz hüjümçi Luis Suares öz yklymynda galdy. Ol Urugwaýyň goňşusy Braziliýanyň “Gremio” toparynyň düzümine goşuldy. 35 ýaşyndaky hüjümçi Porto Alegri şäheriniň wekili bilen 2 ýyllyk şertnama baglaşdy. Ýyldyz oýunçynyň tanyşdyrylyş dabarasyna gatnaşmak üçin “Porto Alegri” stadionyna 30 müň janköýer ýygnandy. Dabarada Luis Suares:
– Soňky günlerde maňa goýulýan belent sarpa üçin hemmä minnetdarlyk bildirýärin. “Gremio toparyny öňki ýeňişli günlerine dolandyrmak üçin elimden geleni gaýgyrmajakdygyma söz berýärin. Gol baryny geçirip, çempionlyklar gazanmak üçin geldim – diýip, çykyş etdi. “Gremiodan” öň ýurdunyň “Nasional” topary bilen çempionlyk gazanan Luis Suares Ýewropada “Groningen”, “Aýaks”, “Liwerpul”, “Barselona”, “Atletiko Madrid” ýaly klublaryň köýnekçesini geýdi.
“Gremio” topary 2021-nji ýylda 2-nji liga düşüpdi. Täzeden ýokary liga çykan Gremionyň muzeýinde 3 Libertadores Kubogy bar.
