Ekologik biliminiň bütindünýä güni

Hä­zir­ki za­man dün­ýä­sin­de daş­ky gur­şa­wy go­ra­ma­gyň äh­mi­ýe­ti bar­ha art­ýar. Şeý­le bo­lan­soň, bu ugur­da bir­nä­çe gu­ra­ma iş alyp bar­ýar. Her ýy­lyň 14-nji okt­ýab­ryn­da Eko­lo­gik bi­lim bo­ýun­ça Bü­tin­dün­ýä kong­re­si eko­lo­gi­ýa gü­nü­ni bel­le­ýär. Beý­le­ki köp san­ly gu­ra­ma­lar bol­sa 26-njy ýan­wa­ry eko­lo­gi­ýa gü­ni hök­mün­de bel­le­ýär. Daş­ky gur­şa­wy go­wu­lan­dyr­mak bo­ýun­ça edi­len ta­gal­la­lar adam­zat jem­gy­ýe­ti­niň we daş­ky gur­şa­wyň saz­la­şyk­ly ýa­şa­ma­gy­ny üp­jün et­mä­ge ýar­dam ed­ýär.
Eko­lo­gik bi­lim – eko­lo­gik dü­şün­je­le­ri, ukyp­la­ry we en­dik­le­ri öw­ret­mek üçin mak­sat­ly gu­ral­ýan, me­ýil­na­ma­ly we ul­gam­la­ýyn ama­la aşy­ryl­ýan iş­dir. Eko­lo­gik bi­li­mi­niň ös­me­gi­ne 1972-nji ýyl­da BMG-niň Daş­ky gur­şaw bo­ýun­ça kon­fe­ren­si­ýa­syn­da ka­bul edi­len Stok­golm Jar­na­ma­sy iter­gi ber­di. Dur­nuk­ly ösüş dü­şün­je­si kon­fe­ren­si­ýa­da il­kin­ji ge­zek ara al­nyp mas­la­hat­la­şyl­dy we şu gü­ne çen­li ug­ruk­dyr­ýan jar­na­ma­da daş­ky gur­şa­wy go­ra­ma­gyň 26 ýö­rel­ge­si gör­ke­zil­di. My­sal üçin, Stok­golm Jar­na­ma­sy­nyň ýö­rel­ge­le­ri­ne la­ýyk­lyk­da äh­li te­bi­gy baý­lyk­lar hä­zir­ki we gel­jek ne­sil­le­riň peý­da­sy­na sak­lan­ma­ly­dyr, bu bol­sa se­re­sap­ly me­ýil­leş­dir­me­gi we do­lan­dyr­ma­gy ta­lap ed­ýär. Şeý­le hem jar­na­ma­da ada­myň ýa­ba­ny te­bi­ga­tyň baý­lyk­la­ry­ny go­rap sak­la­mak we paý­has­ly do­lan­dyr­mak üçin aý­ra­tyn jo­gap­kär­çi­li­gi­niň bar­dy­gy­ny yg­lan edil­ýär, şo­nuň üçin yk­dy­sa­dy ösü­şi me­ýil­leş­di­ri­len­de te­bi­ga­ty go­ra­ma­ga aý­ra­tyn üns be­ril­me­li­dir. Eko­lo­gik bi­li­mi­niň bü­tin­dün­ýä gü­nü­niň esa­sy mak­sa­dy daş­ky gur­şaw me­se­le­le­ri­niň so­si­al öl­çeg­le­ri­ne aý­ra­tyn üns ber­ýän we bu me­se­le­le­ri çöz­mek hem-de öňü­ni al­mak üçin ze­rur dü­şün­jä­ni, bi­lim­le­ri, ba­şar­nyk­la­ry we hy­ju­wy ös­dür­mä­ge gö­nük­di­ri­len yl­my ter­tip hök­mün­de eko­lo­gik bi­li­mi­niň äh­mi­ýe­ti­ni nyg­ta­mak­dyr.

Döw­let­my­rat GEL­DI­ÝEW,
Türk­men oba ho­ja­lyk ins­ti­tu­ty­nyň mu­gal­ly­my