Ispaniýanyň çempionaty “La Ligada” 20-nji tapgyrda sanawyň lideri “Barselona” öz meýdançasynda “Sewilýany” 3-0 hasabynda ýeňdi. Katalonlara ýeňiş getiren gollary Ýordi Alba (18), Gawi (70) hem-de Rafinýa (79) geçirdi. “Barselona” topary şu möwsümde çempionatda 20 duşuşygyň 15-sinde gol geçirtmedi.
Soňky çempion “Real Madrid” bolsa myhmançylykda “Malýorkadan” 1-0 asgyn geldi. Ýer eýelerine 3 utuk gazandyran ýeke-täk goly 13-nji minutda Naço öz derwezesinden girizdi. Oýnuň 60-njy minutynda Asensio penalti urgusyny dürs urup, bilmedi.
“Barselonanyň” ýeňşinden, “Real Madridiň” ýeňlişinden soň iki klubuň arasyndaky utuk aratapawudy 8-e çykdy.
“La Ligada” 3-nji ýerdäki “Real Sosiedadyň” “Walýadolidden” utulan tapgyrynda “Atletiko Madrid” öz meýdançasynda “Hetafe” bilen 1-1 deňme-deň oýnady. 7 goluň geçirilen oýnunda “Betis” öz meýdançasynda “Seltadan” 4-3 asgyn geldi.
Bu tapgyrda 2 futbolçy het-trik edip, “Atletik Bilbaonyň” “Kadisi” 4-1 ýeňen oýnunda Sanset 3 gezek tapawutlandy. Şeýle-de, şu tapgyra çenli bir gezek ýeňiş gazanyp görmedik “Elçe” hem ilkinji ýeňşini gazandy. Öz meýdançasynda “Wilýarrealy” 3-1 ýeňen “Elçeniň” gollarynyň 3-sini hem Milýa geçirdi. Jennaro Gattuzony wezipesinden boşadan “Walensiýa” myhmançylykda “Žironadan” 1-0 asgyn geldi.
