Türkiýäniň çempionatynda çempion “Galatasaraý” 7-nji tapgyryň ilkinji duşuşygynda ýeňiş gazandy. Öz meýdançasynda “Kasympaşa” toparyny kabul eden Jim Bom 1-nji ýarymyň ahyrynda Abdulkerim Bardakçynyň goly bilen öňe geçdi. Ýöne 65-nji minutda Lukas Toreiranyň gyzyl kart almagyndan soň, “Galatasaraý” meýdançada 1 oýunçy kem galdy. “Galatasaraý” toparynyň oýunçylary çempionatda 5 ýyldan soň ilkinji gezek gyzyl kart aldy. Oýnuň 68-nji minutynda myhmanlar Jesuran Rak-Sakieniň goly bilen hasaby deňledi. Ýöne 1 oýunçy kem oýnaýandygyna garamazdan, hüjümlerini ýygjamlaşdyran “Galatasaraý” oýnuň soňky minutlarynda 2 gol geçirdi. 90-njy minutda Baryş Ýylmazyň goly bilen öňe geçen “Galatasaraýda” Mario Lemina 90+6-njy minutda oýna soňky nokady goýdy.

Şunlukda, “Galatasaraý” 7 oýunda 16 utuk toplap, 1 duşuşygy artykmaç 1-nji orunda barýar.

Gyzykly bolup bilerЕЩЕ ОТ АВТОРА