Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Gah­ry­man Arkadagymyzyň, Ar­ka­dag­ly Ser­da­ry­my­zyň taý­syz ta­gal­la­la­ry ne­ti­je­sin­de ýur­du­myz be­dew ba­dy bi­len ösüş­le­re bes­len­ýär. Di­ýa­ry­myz­da dür­li baý­ram­çy­lyk çä­re­le­ri, du­şu­şyk­lar yzy­gi­der­li ge­çi­ril­ýär. Me­de­ni­ýet we sun­gat iş­gär­le­ri­niň hä­zir­ki bag­ty­ýar döw­ri wasp ed­ýän aja­ýyp eser­le­ri­niň hem sa­ny art­ýar. Ar­ka­dag Ser­dar­ly bag­ty­ýar ýaş­lar ýy­lyn­da Wa­ta­ny­my­zyň gel­je­gi bo­lan ýaş­lar öz saý­lap alan hü­när­le­ri­ni ez­ber­lik bi­len öz­leş­dir­ýär­ler.
9-njy few­ral­da Türk­me­nis­ta­nyň Be­ýik Sa­par­my­rat Türk­men­ba­şy adyn­da­ky şe­kil­len­di­riş sun­ga­ty mu­ze­ýin­de ýur­du­my­zyň us­sat su­rat­keş­le­ri­niň eser­le­rin­den «Ha­ly­pa-şä­girt­lik ýo­ly» at­ly ser­gi we du­şu­şyk ge­çi­ril­di. Ser­gi­de ýur­du­my­zyň ta­ry­hy wa­ka­la­ry­ny öz nus­ga­wy eser­le­rin­de be­ýan edip gel­ýän su­rat­keş­le­riň dö­re­di­ji­li­gi­ni syn­lap bol­ýar. Dür­li ýyl­lar­da dö­re­di­len su­ngat eser­le­ri­niň ara­syn­da Türk­me­nis­ta­nyň halk su­rat­ke­şi Aý­han Ha­jy­ýe­wiň «Türk­me­niň aja­ýyp nus­ga­la­ry­ny dö­re­den­ler», Türk­me­nis­ta­nyň sun­gat­da at ga­za­nan iş­gä­ri Mäm­met Mäm­me­do­wyň «Nu­ry Hal­mäm­me­do­wyň port­re­ti», Türk­me­nis­ta­nyň halk su­rat­ke­şi Dur­dy Baý­ra­mo­wyň «Şa­hyr Gur­ban­na­zar Ezi­zo­wyň port­re­ti» at­ly eser­le­ri öz my­na­syp or­nu­ny tap­dy. Ýur­du­my­zyň asu­da­ly­gy­ny, pa­ra­hat­ly­gy­ny we bag­ty­ýar dur­mu­şy­ny, şeý­le hem gün­de­lik dur­mu­şy wasp ed­ýän nus­ga­wy şa­hyr­la­ryň, sun­gat us­sat­la­ry­nyň keşp­le­rini şu ser­gi­de görmek bolýar. Mun­dan baş­ga-da, ser­gi­de ýur­du­my­zyň us­sat heý­kel­ta­raş­la­ry­nyň dö­re­den heý­kelleri hem gör­ke­zil­ýär. Türk­me­nis­ta­nyň sun­gat­da at ga­za­nan iş­gä­ri Alek­seý Şe­ti­ni­niň «Mag­tym­gu­ly», Türk­me­nis­ta­nyň halk su­rat­ke­şi Ju­ma Ju­ma­dur­dy­nyň «Kom­po­zi­to­ryň port­re­ti», Türk­me­nis­ta­nyň halk su­rat­ke­şi Sa­ragt Ba­ba­ýe­wiň «Al­ty Gar­ly­ýe­wiň port­re­ti», Türk­me­nis­ta­nyň halk su­rat­ke­şi Se­ýit­gu­ly Ar­tyk­mäm­me­do­wyň «Du­tar­çy» we Türk­me­nis­ta­nyň sun­gat­da at ga­za­nan iş­gä­ri Sa­par­mäm­met Me­re­do­wyň «Aman­gel­di Gö­ni» at­ly port­ret­le­ri aý­ra­tyn ta­pa­wut­lan­ýar.
Ýur­du­my­zyň sun­ga­ty sö­ýü­ji ýaş­la­ry hem öz dö­re­den aý­dym-saz­la­ry, sun­gat eser­le­ri bi­len türk­men me­de­ni­ýe­ti­ne, sun­ga­ty­na go­şant goş­ýar­lar. Mu­zeý iş­gär­le­ri hem öz ge­ze­gin­de türk­men sun­ga­ty­nyň ta­ry­hy­na gi­ren nus­ga­wy eser­le­ri ser­gä çy­ka­ryp, dür­li dö­re­di­ji­lik du­şu­şyk­la­ry­ny ge­çi­rip, ýaş su­rat­keş­le­riň nak­gaş­çy­lyk, heý­kel­ta­raş­lyk, gra­fi­ka we ama­ly-ha­şam sun­ga­ty­ny öz­leş­dir­mek­le­ri üçin müm­kin­çi­lik dö­red­ýär­ler.
Bag­ty­ýar dur­muş­da ýa­şa­ýan hal­ky­myz­da äh­li ugur­lar­da ha­ly­pa-şä­girt­lik ýo­ly mun­dan beý­läk hem do­wa­mat-do­wam bol­sun. Gahryman Arkadagymyzyň, Ar­ka­dag­ly Ser­da­ry­my­zyň il-ýurt bäh­bit­li, döw­let äh­mi­ýet­li alyp bar­ýan iş­le­ri ro­waç­lyk­la­ra bes­len­sin!

Gül­täç ŞAM­MY­ÝE­WA,
Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýiniň Hasaba alyş we saklaýyş bölüminiň esasy hünärmeni.

Gyzykly bolup bilerЕЩЕ ОТ АВТОРА