1/8 finalyň ýene bir duşuşygy-da 1-0 hasabynda tamamlanyp, Milan öz meýdançasynda Tottenhamdan iň kiçi hasap bilen üstün çykdy. 10 ýyldan soň Çempionlar Ligasynyň utulan-çykdy tapgyrynda ilkinji ýeňşini gazanan Milanyň ýeke-täk goluny 7-nji minutda Brahim Diaz öz adyna ýazdyrdy. Milan soňky gezek 2013-nji ýylda Barselonany ýeňipdi. Şeýle-de bu gol Milanyň 2010-njy ýyldan soň iň çalt geçiren goly hökmünde hasaba alyndy. Şol bir wagtyň özünde Milanyň Çempionlar Ligasynda geçiren 250-nji goly boldy. Jogap oýny 8-nji martda oýnalar.
