1/8 finalyň çarşenbe güni oýnalan oýunlarynyň birinde “Leipsig” bilen “Mançester Siti” duşuşdy. Oýnuň 27-nji minutynda goragçylaryň ýalňyşlygyndan soň Mançester Siti Riýad Mahreziň goly esasynda 1-0 öňe saýlandy. Şondan soňam iňlis kluby birnäçe howply pursatlary döretselerem, olara hasaby artdyrmak başartmady. Duşuşygyň 70-nji minutynda “Leipsig” toparynyň horwatiýaly goragçysy Ýosko Gwardiol hasaby deňledi. Galan minutlarda-da hasap üýtgemedi we duşuşyk 1-1 deňlikde tamamlandy. Duşuşykda Pep Guardiola ýeke oýunçysyny hem çalyşmady. Çempionlar Ligasynda şeýle waka 2018-nji ýyldan soň ilkinji gezek bolýar. 2018-nji ýylyň oktýabrynda “Mançester Ýunaýted” “Ýuwentus” bilen geçiren oýnunda ýeke oýunçy hem çalyşmandy. Ýeri gelende bellesek, iki toparyň mundan öňki 2 duşuşygynda hersi 1 gezek ýeňiş gazanypdy (2-1, 3-6).
“Interiň” 9 oýundaky ilkinji ýeňşi
“San Siro” stadionynda ýerli “Inter” Portugaliýanyň “Porto” toparyny kabul etdi. Çekeleşikli we dargtynly geçen oýnuň ykbalyny bir gol kesgitledi. Şol goly-da 86-njy minutda Romelu Lukaku öz adyna ýazdyrdy. Birnäçe amatly pursatlarda derwezeçi Onanany geçip bilmedik “Porto” toparyndan Otawio 78-nji minutda 2-nji sarydan soň gyzyl kart aldy. “Inter” topary 1/8 finalda soňky 9 gezekde ilkinji gezek 1-nji duşuşykda ýeňiş gazanmagy başardy (4 deňlik, 4 ýeňliş). “Porto” topary bolsa şu möwsümde ähli ýaryşlary hasaba alanyňda, oktýabr aýyndan bäri ilkinji gezek ýeňlişe sezewar boldy.
Bu iki oýnuň jogap oýunlary 14-nji martda geçiriler.
