Italiýanyň çempionaty “Serie A”-da paýtagtyň “Romasy” myhmançylykda “Kremonezeden” 2-1 utuldy. Ençeme ýyldan soň, ýagny 26 ýyldan soň ýokary liga çykan “Kremonese” topary 31 oýundan soň “Serie A”-daky ilkinji ýeňşini gazandy. Kremone şäheriniň wekili “Serie A”-da iň uzak waglap ýeňiş gazanyp bilmedik iki toparyň biridir (Beýlekisi “Ankona”). Mourinionyň 2-nji ýarymyň başynda (46-njy minutda) gyzyl kart alan duşuşygynda “Kremoneze” toparynyň gollaryny Tsadžut (17) bilen Siofani (82 p), “Romanyň” ýeke-täk goluny-da Spinazzola (71) geçirdi. Şunlukda, “Kremoneze” toapry Italiýanyň Kubogy ýaryşyndan soň çempionatda-da “Romany” ýeňmegi başardy. Mälim bolşy ýaly, “Kremoneze” 1/8 finalda “Romany” 2-1 ýeňip, çärýek finala çykypdy. “Kremoneze” topary çärýek finalda “Napoliden” üstün çykyp, taryhynda ilkinji gezek ýarym finalda oýnamaga hukuk gazanypdy.
“Kremonezeniň” ýeňiş gazanmagyndan soň Ýewropanyň öňdebaryjy 5 ligasynda ýeňiş gazanyp görmedik ýeke klub hem galmady. “Kremoneze” kluby şu möwsümde çempionatlarda häzirki wagta çenli ýeňiş gazanyp görmedik ýeke-täk topardy.
