Ispaniýanyň Şa Kubogy ýaryşynda ýarym finalyň 1-nji duşuşyklary oýnalyp, 2 duşuşyk hem 1-0 hasabynda tamamlandy. Madridde oýnalan “El Klasikoda” “Barselona” topary “Real Madridi” 1-0 hasabynda ýeňlişe sezewar etdi. “Barselona” ýeňiş getiren ýeke-tä goly 27-nji minutda Eder Militao öz derwezesinden geçirdi. Şunlukda, “Barselona” güýçli garşydaşyny 1-0 hasabynda ýeňip, finala çykmak ugrunda uly mümkinçilige eýe boldy. “Real Madrid” toparyna kubok ýaryşynda “Barselonany” öz meýdançasynda, ýagny “Santiago Bernabeuda” 43 ýyldan bäri ýeňmek başardanok. “Santiago Bernabeuda” soňky gezek 1970-nji ýylda ýeňen “Real Madrid” şondan bäri oýnan 6 duşuşygynda 3 sapar deňme-deň oýnap, 3 gezek hem utuldy. Şeýle-de, “Real Madrid” şu möwsümde öz meýdançasynda ilkinji gezek ýeňlişe sezewar boldy. Duşuşykda meýdança çykan Serhio Buskets “El Klasikolarda” iň köp çykyş eden futbolçy hökmünde hasaba alyndy. 46-njy gezek “El Klasikoda” çykyş eden Buskets bu ugurda Serhio Ramosy (45) hem-de Lionel Messiden (44) öňe saýlandy.
Ýarym finalyň beýleki duşuşygynda “Osasuna” öz meýdançasynda “Atletik Bilbaony” 1-0 (Abde Ezzalzuli 47) hasabynda ýeňdi. Jogap oýunlary 4-5-nji aprelde oýnalar.
