Saud Arabystanynyň çempionatynda 19-njy tapgyrda Kristiano Ronaldonyň çykyş edýän “Al Nassr” kluby öz meýdançasynda iň aşaky orunda barýan “Al Batin” topary bilen duşuşdy. Oýnuň 17-nji minutynda myhmanlar Renzo Lopeziň goly bilen 1-0 öňe saýlandy. Ýer eýeleri bu gola jogap bermekde juda kynçylyk çekdi. Ýöne şonda-da ruhdan düşmedik paýtagtlylar 90+3-nji minutda hasaby deňlediler. Bu goly Abdurahman Garib öz adyna ýazdyrdy. Oýnuň 102-nji minutynda Mohammed Al-Fatih “Al Nassr” toparyny öňe çykardy. 104-nji minutda-da Mohammed Maran oýna soňky nokady goýdy. Şeýlelikde, soňky minutlara çenli 1-0 utulyp barýan “Al Nassr” topary duşuşygyň soňky minutlarynda 3 gol geçirip, ýeňiş gazanmagy başardy. Duşuşykda Ronaldo 90 minut çykyş edip, ol 2-3 sany amatly pursaty elden giderdi.
Duşuşygyň öňüsyrasynda-da Ronaldo çempionatyň çäginde fewral aýynyň oýunçysy baýragyny aldy.
