Italiýanyň çempionaty “Serie A”-da soňky çempion “Milan” kem-kemden çempionlyga barýan “Napolini” myhmançylykda derbi-dagyn etdi. Eýýam 1-nji ýarymda 2-0 öňe saýlanan “Milanyň” gollarynyň 2-sini 17-nji we 59-njy minutda Rafael Leao, beýlekileri-de 25-nji minutda Brahim Diaz hem-de 57-nji minutda Aleksis Salemakers geçirdi. 5 oýundan soň ilkinji gezek ýeňiş gazanan “Milan” 3-nji orna beýgeldi. “Napoliniň” 2-nji ýerdäki “Lasio” bilen utuk aratapawudy 19-dan 16-a düşdi. “Napoli” “Serie A”-da 2007-nji ýyldan soň, şeýle-de öz meýdançasynda 2000-nji ýyldan soň ilkinji gezek uly hasaply ýeňlişe sezewar boldy. “Napoli” soňky gezek 2007-nji ýylda “Bolonýadan” 5-1, öz meýdançasynda-da 2000-nji ýylda “Atalantadan” 5-1 asgyn gelipdi.
