Portugaliýanyň çempionatynda çempionlyga täsirini ýetirip biljek oýunda sanawyň lideri «Benfika» bilen 2-nji ýerdäki «Porto» duşuşdy. Çekeleşikli geçen oýunda «Porto» güýçli garşydaşyny myhmançylykda 2-1 hasabynda ýeňlişe sezewar etdi. Oýnuň 12-nji minutynda Diego Kostanyň awtogoly bilen «Benfika» öňe geçse-de, soňlugy bilen myhmanlar ýeňiş gazanmagy başardy. Ilki 45-nji minutda Mateus Uribe hasaby deňlese, 54-nji minutda eýranly hüjümçi Mehdi Taremi «Portony» öňe çykardy. Bu duşuşykdaky soňky gol boldy. Şunlukda, «Porto» 12 oýundan bäri ýeňilmän gelýän «Benfikanyň» bu statistikasyna soňky nokady goýdy. Çempionatyň tamamlanmagyna 7 tapgyr galanda, «Porto» lider «Benfika» bilen arasynaky utuk aratapawudyny 7-ä düşürdi. «Benfikanyň» 71, «Portonyň» 64 utugy bar.
