Dünýäniň super ýyldyzy Kristiano Ronaldonyň çykyş edýän arap kluby Al-Nassr toparynyň tälimçisi Rudi Garsiýa wezipesinden boşadyldy. 59 ýaşyndaky tälimçiniň futbolçylar bilen oňuşmaýandygy öňe sürülýärdi. Geçen ýylyň iýun aýynda tälimçilige bellenen Rudi Garsiýanyň ýolbaşçylygynda topar Saud Arabystanynyň çempionatynda möwsümiň tamamlanmagyna 7 tapgyr galanda öňdebaryjy Al-Ittihaddan 3 utuk yzda 2-nji ýerde barýar. AS gazetiniň habar bermegine görä, Ronaldonyň hem tälimçisinden azda-kände nägiledigini bellenilýär. Al-Nassr topary Arap Super Kubogy ýaryşynyň ýarym finalynda Al-Ittihaddan utulmagy, oýunçylar bilen düşünişmezlik ýaly sebäpler tälimçiniň wezipeden boşadylmagynyň esaslary hökmünde görkezilýär. Al-Nassr topary Rudi Garsiýanyň tälimçiliginde geçiren 27 duşuşygynda ortaça 2,27 utuk gazanmagy başardy.
