Ang­li­ýa, Ger­ma­ni­ýa, Fran­si­ýa, Ni­der­land­lar, Bel­gi­ýa, Da­ni­ýa, Ir­lan­di­ýa, Nor­we­gi­ýa, Lýuk­sem­burg döw­let­le­ri­niň ýol­baş­çy­la­ry we ener­gi­ýa mi­nistr­le­ri hem-de Ýew­ro­pa Bi­le­le­şi­gi­niň Ko­mis­si­ýa­sy­nyň ýol­baş­çy­la­ry Bel­gi­ýa­nyň Os­ten­de şä­he­rin­de ge­çi­ri­len De­mir­ga­zyk de­ňiz sam­mi­ti­ne gat­naş­dy­lar. Bu sam­mit su­wüs­ti ýel ener­gi­ýa ma­ýa go­ýum­la­ry­ny we inf­rast­ruk­tu­ra­sy­ny art­dyr­mak mak­sa­dy bi­len ge­çi­ril­ýär.
Sam­mi­tiň çäk­le­rin­de Ýew­ro­pa ýurt­la­ry De­mir­ga­zyk deň­zin­i su­wüs­ti ener­gi­ýa önüm­çi­lik mer­ke­zi­ne öwür­mek üçin jar­na­ma gol çek­di­ler. Ger­ma­ni­ýa, Fran­si­ýa, Ang­li­ýa we Ni­der­land­lar ýa­ly Ýew­ro­pa­nyň 9 ýur­dy 2030-njy ýy­la çen­li 130 gi­ga­wat, 2050-nji ýy­la çen­li 300 gi­ga­wat su­wüs­ti ýel be­ket­le­ri­niň gu­rul­ma­gy­ny we inf­rast­ruk­tu­ra­sy­nyň howp­suz­ly­gy­ny art­dyr­ma­gy mak­sat edin­ýär.
Hal­ka­ra Ener­gi­ýa Agent­li­gi­niň Ýe­ri­ne ýe­ti­ri­ji di­rek­to­ry Fa­tih Bi­rol sam­mit­de eden çy­ky­şyn­da De­mir­ga­zyk deň­zin­de su­wüs­ti ýel ener­gi­ýa müm­kin­çi­lik­le­ri­niň örän ýo­ka­ry­dy­gy­ny, bu ýer­de Ýew­ro­pa­nyň hä­zir­ki wagt­da sarp ed­ýän elekt­rik ener­gi­ýa­sy­nyň al­ty es­se­si­ni ön­dü­rip bol­jak­dy­gy­ny aýt­dy.
Bel­gi­ýa­nyň hö­kü­met baş­ly­gy Alek­sandr De Kro sam­mi­tiň De­mir­ga­zyk deň­zi­ni dün­ýä­niň iň uly «ýa­şyl» ener­gi­ýa be­ke­di­ne öwür­mek­de uly äh­mi­ýe­te eýe­di­gi­ni bel­le­di. De Kro sam­mit­de bel­le­nen mak­sat­na­ma ýe­ti­len ýag­da­ýyn­da, Ýew­ro­pa­da­ky 300 mil­li­on öýüň elekt­rik ener­gi­ýa­sy­nyň De­mir­ga­zyk deň­zin­den alyn­jak­dy­gy­ny, şeý­le­lik­de, has «ýa­şyl», ener­gi­ýa ba­bat­da ga­raş­syz, iş orun­la­ry­ny dö­ret­me­gi do­wam et­dir­ýän, agyr se­na­gat iş­le­ri­ni Ýew­ro­pa­da sak­lap bil­ýän, dur­nuk­ly ös­ýän Ýew­ro­pa­nyň dö­re­dil­me­gi­niň mak­sat edi­nil­ýän­di­gi­ni aýt­dy.
De Kro hä­zir­ki wagt­da her ýyl­da 7 gi­ga­wat­lyk su­wüs­ti ýel ener­gi­ýa be­ke­dini gur­ma­ga müm­kin­çi­lik­le­ri­niň bar­dy­gy­ny bel­läp, bu mak­sa­da ýet­mek üçin bu gör­ke­zi­ji­niň 20 gi­ga­wat bol­ma­ly­dy­gy­na ün­si çek­di. Bu mak­sa­da bol­sa, di­ňe hu­su­sy pu­da­ga gol­daw ber­mek ar­ka­ly ýe­tip boljakdygyny aýt­dy.

Gün­den we ýel­den alyn­ýan ener­gi­ýa gaz­dan öňe geç­di
Ýew­ro­pa Bi­le­le­şi­gi­niň Ko­mis­si­ýa­sy­nyň Baş­ly­gy Ur­su­la fon der Lýa­ýen ge­çen ýyl Ýew­ro­pa Bi­le­le­şi­gi­niň gaý­ta­dan di­kel­dil­ýän çeş­me­ler­den elekt­rik ener­gi­ýa­sy­nyň önüm­çi­li­gi­niň ar­tan­dy­gy­ny, il­kin­ji ge­zek gaz bi­len de­ňeş­di­ri­len­de, Gün we ýel be­ket­le­rin­den has köp elekt­rik ener­gi­ýa­sy­nyň ön­dü­ri­len­di­gi­ni aýt­dy. Ol gaý­ta­dan di­kel­dil­ýän ener­gi­ýa uly ma­ýa go­ýum go­ýan­dyk­la­ry­ny bel­läp, hem yk­dy­sa­dy­ýe­ti ös­dür­me­gi, hem-de ýy­la­dyş­ha­na gaz­la­ryň ho­wa goý­be­ri­li­şi­ni azalt­ma­gy ba­şa­ran­dyk­la­ry­ny bel­le­di.
Fon der Lýa­ýen ýy­lyň do­wa­myn­da gaý­ta­dan di­kel­dil­ýän ener­gi­ýa­nyň önüm­çi­li­gin­de uly ar­ty­şyň ha­sa­ba al­nan­dy­gy­ny, goş­ma­ça ener­gi­ýa önüm­çi­li­gi­ni iki es­se art­dy­ran­dyk­la­ry­ny aýt­dy. Ko­mis­si­ýa­sy­nyň Baş­ly­gy Ýew­ro­pa Bi­le­le­şi­gi­niň gaý­ta­dan di­kel­dil­ýän ener­gi­ýa üçin 2030-njy ýy­la çen­li mak­sat­na­ma­sy­nyň 32 gö­te­rim­den 42 gö­te­ri­me çy­ka­rylan­dygy­ny ha­bar ber­di.

Gyzykly bolup bilerЕЩЕ ОТ АВТОРА