Fransiýanyň Kubogy ýaryşynyň finalynda geçen ýylyň ýeňijisi “Nant” bilen “Tuluza” topary duşuşdy. “Stad de Frans” stadionynda 78 müňden gowrak janköýeriň şaýatlygynda geçen oýunda “Tuluza” topary uly hasap bilen ýeňiş gazanyp, taryhy başarnyk görkezdi. 5-1 hasabynda ýeňiş gazanan “Tuluza” topary eýýäm ilkinji ýarym sagatda 4 gol geçirdi. 4-nji we 10-njy minutlarda Logan Koşta, 23-nji we 31-nji minutlarda-da Thiýs Dallinga hasaby 4-0-a ýetirdi. 2-nji ýarymda-da “Nant” 75-nji minutda Ludowiç Blasyň penalti goly bilen aratapawudy 3 gola düşürse-de, 79-njy minutda Zakariýa Abuhlal oýna soňky nokady goýdy. Şunlukda, 5-1 hasabynda uly hasap bilen ýeňiş gazanan “Tuluza” topary 53 ýyllyk taryhynda ilkinji gezek Fransiýanyň Kubogyny gazandy. Olar bu kubogy eýelän 34-nji klub hökmünde hasaba alyndy. “Tuluza” topary mundan öň 3 gezek “Ligue 2”-de çempionlyk gazanypdy.
